P. O. C ബൈബിള്
പുതിയ നിയമം
വെളിപാട്
അദ്ധ്യായം 22
-
- Verse 1: ദൈവത്തിന്റെയും കുഞ്ഞാടിന്റെയും സിംഹാസനത്തില്നിന്നു പുറപ്പെടുന്നതും സ്ഫടികം പോലെ തെളിഞ്ഞതുമായ ജീവ ജലത്തിന്റെ നദി അവന് എനിക്കു കാണിച്ചു തന്നു.
- Verse 2: നഗരവീഥിയുടെ മധ്യത്തില് നദിയുടെ ഇരുഭാഗങ്ങളിലുമായി പന്ത്രണ്ടുതരം ഫലങ്ങള് കായ്ക്കുന്ന ജീവന്റെ വൃക്ഷം നില്ക്കുന്നു. അതു മാസംതോറും ഫലംത രുന്നു. ആ വൃക്ഷത്തിന്റെ ഇലകള് ജന തകളുടെ രോഗശാന്തിക്കുവേണ്ടിയുള്ളവയാണ്.
- Verse 3: ഇനിമേല് ശപിക്കപ്പെട്ടതായി ഒന്നും ഉണ്ടായിരിക്കുകയില്ല. ദൈവത്തിന്റെയും കുഞ്ഞാടിന്റെയും സിംഹാസനം അതില് ഉണ്ടായിരിക്കും.
- Verse 4: അവിടുത്തെ ദാസര് അവിടുത്തെ ആരാധിക്കും. അവര് അവിടുത്തെ മുഖം ദക്തശിക്കും. അവിടുത്തെനാമം അവരുടെ നെറ്റിത്തടത്തില് ഉണ്ടായിരിക്കും.
- Verse 5: ഇനിയൊരിക്കലും രാത്രിയുണ്ടാവുകയില്ല. ദീപത്തിന്റെ വെളിച്ചമോ സൂര്യന്റെ പ്രകാശമോ അവര്ക്ക് ആവശ്യമില്ല. ദൈവമായ കര്ത്താവ് അവരുടെമേല് പ്രകാശിക്കുന്നു. അവര് എന്നേക്കും വാഴും.
-
ക്രിസ്തുവിന്റെ പ്രത്യാഗമനം
- Verse 6: അവന് എന്നോടു പറഞ്ഞു: ഈ വചനങ്ങള് വിശ്വാസയോഗ്യവും സത്യവുമാണ്. ഉടനെ സംഭവിക്കാനിരിക്കുന്ന കാര്യങ്ങള് തന്റെ ദാസര്ക്കു കാണിച്ചുകൊടുക്കാനായി പ്രവാചകാത്മാക്കളുടെ ദൈവമായ കര്ത്താവു തന്റെ ദൂതനെ അയച്ചിരിക്കുന്നു.
- Verse 7: ഇതാ, ഞാന് വേഗം വരുന്നു. ഈ പുസ്തകത്തിലെ പ്രവചനങ്ങള് കാക്കുന്നവന് ഭാഗ്യവാന്.
- Verse 8: യോഹന്നാനായ ഞാന് ഇതു കേള്ക്കുകയും കാണുകയുംചെയ്തു. ഇവ കേള്ക്കുകയും കാണുകയും ചെയ്തപ്പോള് ഇവ കാണിച്ചുതന്ന ദൂതനെ ആരാധിക്കാന് ഞാന് അവന്റെ കാല്ക്കല് വീണു.
- Verse 9: അപ്പോള് അവന് എന്നോടു പറഞ്ഞു: അരുത്. ഞാന് നിന്റെയും നിന്റെ സഹോദരന്മാരായ പ്രവാചകന്മാരുടെയും ഈ ഗ്രന്ഥത്തിലെ വച നങ്ങള് കാക്കുന്നവരുടെയും സഹദാസനാണ്. ദൈവത്തെ ആരാധിക്കുക.
- Verse 10: വീണ്ടും അവന് എന്നോടു പറഞ്ഞു: ഈ ഗ്രന്ഥത്തിലെ പ്രവചനങ്ങള് നീ മുദ്രിതമായി സൂക്ഷിക്കേണ്ടാ. എന്തെന്നാല്, സമയം അടുത്തിരിക്കുന്നു.
- Verse 11: അനീതി ചെയ്തിരുന്നവന് ഇനിയും അനീതി ചെയ്തുകൊള്ളട്ടെ. പാപക്കറപുരണ്ടവന് ഇനിയും അങ്ങനെതന്നെ കഴിഞ്ഞുകൊള്ളട്ടെ. നീതിമാന് ഇനിയും നീതി പ്രവര്ത്തിക്കട്ടെ. വിശുദ്ധന് ഇനിയും വിശുദ്ധീകരിക്കപ്പെടട്ടെ.
- Verse 12: ഇതാ, ഞാന് വേഗം വരുന്നു. എന്റെ സമ്മാനവും ഞാന് കൊണ്ടുവരുന്നുണ്ട്. ഓരോരുത്തര്ക്കും സ്വന്തം പ്രവൃത്തികള്ക്കനുസൃതം പ്രതിഫലം നല്കാനാണു ഞാന് വരുന്നത്.
- Verse 13: ഞാന് ആല്ഫയും ഒമേഗയുമാണ് - ഒന്നാമനും ഒടുവിലത്തവനും - ആദിയും അന്തവും.
- Verse 14: ജീവന്റെ വൃക്ഷത്തിന്മേല് അവകാശം ലഭിക്കാനും കവാടങ്ങളിലൂടെ നഗരത്തിലേക്കു പ്രവേശിക്കാനും തങ്ങളുടെ അങ്കികള് കഴുകി ശുദ്ധിയാക്കുന്നവര് ഭാഗ്യവാന്മാര്.
- Verse 15: നായ്ക്കളും മന്ത്രവാദികളും വ്യഭിചാരികളും കൊലപാതകികളും വിഗ്രഹാരാധ കരും അസത്യത്തെ സ്നേഹിക്കുകയും അതു പ്രവര്ത്തിക്കുകയും ചെയ്യുന്ന സകലരും പുറത്ത്.
- Verse 16: യേശുവായ ഞാന് സഭകളെക്കുറിച്ച് നിങ്ങള്ക്കു സാക്ഷ്യപ്പെടുത്തുന്നതിനുവേണ്ടി എന്റെ ദൂതനെ അയച്ചു. ഞാന് ദാവീദിന്റെ വേരും സന്തതിയുമാണ്; പ്രഭാപൂര്ണ നായ പ്രഭാതനക്ഷത്രം.
- Verse 17: ആത്മാവും മണ വാട്ടിയും പറയുന്നു: വരുക. കേള്ക്കുന്നവന് പറയട്ടെ: വരുക. ദാഹിക്കുന്നവന് വരട്ടെ. ആഗ്രഹമുള്ളവന് ജീവന്റെ ജലം സൗജന്യമായി സ്വീകരിക്കട്ടെ.
-
ഉപസംഹാരം
- Verse 18: ഈ പുസ്തകത്തിലെ പ്രവചനങ്ങള്ശ്രവിക്കുന്ന എല്ലാവരോടും ഞാന് സാക്ഷ്യപ്പെടുത്തുന്നു: ആരെങ്കിലും ഈ വചനങ്ങളോട് എന്തെങ്കിലും കൂട്ടിച്ചേര്ത്താല് ഈ പുസ്തകത്തില് വിവരിക്കപ്പെട്ടിരിക്കുന്ന മ ഹാമാരികള് ദൈവം അവന്റെ മേല് അയയ്ക്കും.
- Verse 19: ഈ പുസ്തകത്തിലെ പ്രവചനങ്ങളില്നിന്ന് ആരെങ്കിലും എന്തെങ്കിലും എടുത്തുകളഞ്ഞാല്, ഈ പുസ്തകത്തില് വിവ രിക്കപ്പെട്ടിരിക്കുന്ന, വിശുദ്ധനഗരത്തിലും ജീവന്റെ വൃക്ഷത്തിലുമുള്ള അവന്റെ പങ്ക്ദൈവം എടുത്തുകളയും.
- Verse 20: ഇതു സാക്ഷ്യപ്പെടുത്തുന്നവന് പറയുന്നു: അതേ, ഞാന് വേഗം വരുന്നു, ആമേന്; കര്ത്താവായ യേശുവേ, വരണമേ!
- Verse 21: കര്ത്താവായ യേശുവിന്റെ കൃപ എല്ലാവരോടും കൂടെ ഉണ്ടായിരിക്കട്ടെ!
